2026-2027 CLASS IX&X ADMISSION OPEN
“Lalpa tih hi finna bul a ni”
ZZR High School Din Chhan
1. A hmasa berah chuan kan coaching-a rawn kalte’n an thiam tawh tur anga ngaih an la thiam tawk lo thin em em a. Hei hi school lama a concept man lova mark hmuh that tuma inzirtirna a tam vang nia hriat a ni.
Chuvangin technical exam bakah competitive exam hrang hranga inbuatsaih duhten Higher Secondary leh UG, PG an zawh hnua coaching chauha inbuatsaih tan lovin school atanga inbuatsaih tanna hmun ruahman tum a ni.
2. Mizoramah school tha teh nan Board result kan thlir rei tawh khawp mai. Hei vang hian school hrang hrangte chuan board exam tih thata inelin pawl hniam zawk leh thiamna dang an theihnghilh fo.
Entirna’n pawl 9 leh pawl 11 ten an zirlai an hneh lo fo a, topic leh concept pawimawh tak tak an hmaih phah ta thin. Hei hi siam that kan tum dawn a ni.
3. Tunlai naupangte, awmdan mawi leh nundan tha zirtir nasat an ngai. Generation thara an awm tawh avangin enkawl dan erawh tun hma ang kha a ni thei tawh lo.
A bik takin high school leh higher naupangten nuna zir chhuah tura hlu tak tak zir hman lovin board a tih that deuh chauh tinzawn an tam. Ngaihhlut tur dik zir chhuah tir kan tum. Eng nge kan ngaihhlut ang? Nunah hian eng nge hlimna leh thlamuanna tak tak chu ni ang? Sum hian hlimna a thlen em? Midang tana malsawmna nihin nun a tihhahdam zia te an hria em? Heng hringnun rohlu pawimawh tak tak te hi zirtir tum an ni.
4. Kristian ram kan nih ang ngeia Pathian hriatna kawnga hmasawn tir a, Pathian tel lo chuan ropuina, sum leh eizawnna tha tak tak te engmah a nih lohzia zirtir kan tum.
5. Life skills, mihringin amaha a dam khawchhuah nana a mamawh tam thei ang ber zirtir tum a ni a. Midanga innghat lova nun khawchhuahna atana pawimawh te tam thei ang ber thiam tir tum a ni.
Inchhungah, khawtlangah eng nge an mawhphruna, an kova tla ti thei mi an ni nge midanga innghat mi. Tam tak hi chu an thatchhiat vang ni lovin, nachang an hriat loh vang zawka an tih tur ti lo tam tak an awm. Chungte chu zirtir an ni ang.
6. An zirlaibu chauh hi kan ngai pawimawh ber lova, zirna ngaih thah chuang si lova an tuina leh an hlawhtlin pui theih tur an talent hai chhuah pui tum a ni ang. Zai thiam leh lam thiam, zirna lama tui miah lo, sports lama tha em em, thil dang thiam nei chuang lote thlahthlam an ni lo ang.
Chutihrualin lehkhathiam na na na chuan an talent hai pun kawngah leh hlawhtlinpui kawngah hmalak dan an thiam nge nge fo. Chutianga kawp thiam thei tura zirtir tum a ni.
Smart Classroom
Zirlaiten nuam an tih a an hriatthiam theih dan ang ber tura class teaching hi pek tum a ni. Smart board hman a ni ang a. An zirlai mil a lem leh video tam thei ang ber entir an ni ang
Quality Test
Class test tam thei ang ber neih a ni ang a. Class test hi theory chauh ni lovin practical a tel ang. Multiple Choice Question type question a tam ang a, an zirlai chiang taka an thiam ngei theih nan hma lak tum a ni. Exam hunah pawh subject tinah paper pahnih zel a awm ang.
Paper 1
Paper 1-ah exam system pangngai zulzui a siam a ni ang a, an writing skills leh an creativity level en a ni ang.
Paper 2
Paper 2 erawh MCQ type a ni ang a, an hma huna exam hrang hrang an la hmachhawn tur mila question siam a ni ang